اگست کو نیشنل کرائسس اینڈ ایمرجنسی مینجمنٹ اتھارٹی (این سی ای ایم اے) کے اعلان کے بعد متحدہ عرب امارات کے کچھ رہائشیوں کو اب متحدہ عرب امارات میں داخلے کی اجازت دی جا رہی ہے۔ انہیں پہلے متحدہ عرب امارات واپس جانے کی منظوری کے لئے درخواست دینے کی ضرورت ہوگی۔ این سی ای ایم اے کے اعلان کے مطابق بھارت، پاکستان، سری لنکا، نیپال، نائجیریا اور یوگنڈا سے آنے والے مسافروں کے لئے مندرجہ بالا تقاضوں کو پورا کرنے کے بعد متحدہ عرب امارات میں داخل ہوا جاسکتا ہے:

فیڈرل اتھارٹی فار آئیڈینٹٹی اینڈ سٹیزن شپ (آئی سی اے) کی ویب سائٹ پر ضروری منظوری حاصل کرنے کی درخواست جمع کرائیں۔ ملک میں متعلقہ حکام کی طرف سے ویکسینیشن سرٹیفکیٹ کی تصدیق اپنے پاس رکھیں۔ روانگی کی تاریخ سے 48 گھنٹوں کے اندر پی سی آر ٹیسٹ کا نتیجہ جمع کرائیں، بشرطیکہ ٹیسٹ تسلیم شدہ لیبارٹریوں سے ہوں اور کیو آر کوڈ موجود ہو۔

آمد پر احتیاطی اقدامات پر عمل کریں، بشمول آمد پر اور اس کے بعد قرنطینہ اور پی سی آر ٹیسٹ کروانا۔

آئی سی اے سے منظوری کیسے حاصل کی جائے؟

مرحلہ 1: آئی سی اے کی ویب سائٹ کھولیں

آپ کو مندرجہ ذیل لنک پر جانے کی ضرورت ہوگی - https://smartservices.ica.gov.ae/echannels/web/client/guest/index.html#/registerArrivals

یا 'رجسٹر آرائیولز' پر کلک کریں، جو آئی سی اے کی جانب سے اپنی ویب سائٹ پر پیش کی جانے والی خدمات میں درج ہے - https://smartservices.ica.gov.ae/echannels/web/client/guest/index.html#/dashboard

مرحلہ 2: درخواست فارم بھریں

اپنی تفصیلات درج کریں۔ تمام تفصیلات کو صحیح طریقے سے درج کرنا ضروری ہے- بشمول آپ کا ای میل ایڈریس، کیونکہ آپ کے ای میل پر کیو آر کوڈ بھیجا جائے گا۔

مرحلہ 3: اپنے پاسپورٹ کی تفصیلات بھریں

مرحلہ 4: اپنی متحدہ عرب امارات کی تفصیلات درج کریں

مرحلہ 5: اپنی کوویڈ-19 ویکسین اور پی سی آر ٹیسٹ کی تاریخوں کی تفصیلات بھریں

مرحلہ 6: دستاویزات اپ لوڈ کریں

مرحلہ 7: تفصیلات کی تصدیق کریں

آخر میں، آپ سے اس بات کی تصدیق کرتے ہوئے ایک دستخط کرنے کو کہا جائے گا کہ تفصیلات درست ہیں، اور آپ صحت کے حکام کی طرف سے جاری کردہ تمام ہدایات اور طریقہ کار پر عمل کریں گے۔

اگر منظوری دی جاتی ہے تو آپ کو ای میل کے ذریعے آئی سی اے سے سرکاری نوٹیفکیشن موصول ہوگا۔

گلف نیوز (Gulf News)