EN
AR
دبئی میں مشہور ڈرائیو تھرو پی سی آر ٹیسٹنگ سینٹر مستقل طور پر بند ہو جائے گا۔
ابوظہبی ہیلتھ سروسز کمپنی (سیہا) نے جمعرات کو اعلان کیا ہے کہ سٹی واک، دبئی میں اس کا کوویڈ ڈرائیو تھرو سروسز سینٹر جلد ہی مزید کام نہیں کرے گا۔
سیہا نے متبادل آپشن کے طور پر الخوانیج میں اپنی ڈرائیو تھرو سروسز کی سفارش کی ہے۔ سیہا ایپ کے ذریعے اپوائنٹمنٹس بک کی جا سکتی ہیں۔
جنوری میں، سیہا نے دبئی کے مینا راشد میں اپنا کوویڈ19 ڈرائیو تھرو ٹیسٹنگ سینٹر مستقل طور پر بند کر دیا تھا۔
سیہا مراکز میں ٹیسٹنگ کی مانگ خاص طور پر زیادہ ہے کیونکہ پی سی آر ٹیسٹ کی قیمت صرف 40 درہم ہے۔
سیہا کے ٹیسٹنگ مراکز کی مکمل فہرست اس کی ویب سائٹ پر دستیاب ہے۔
یاد ریے کہ متحدہ عرب امارات میں جمعرات کو کورونا وائرس کے 369 نئے کیسز جبکہ 1,225 افراد صحت یاب ہوئے ہیں۔ انفیکشنز کی کل تعداد 884,354 ہو گئی ہے جبکہ صحت یاب ہونے والوں کی تعداد 848,030 ہوگئی ہے۔
عہدیداروں نے بتایا کہ 24 گھنٹے کی رپورٹنگ کی مدت میں کوویڈ19 سے کوئی موت نہیں ہوئی ہے۔
فعال کیسز کی تعداد کم ہو کر 35,357 رہ گئی ہے جبکہ روزانہ کی بنیاد پر صحت یاب ہونے والوں کی تعداد متاثر ہونے والوں سے بڑھ رہی ہے۔
Source: دی نیشنل نیوز
Link: