12  دسمبر 2020: (جنرل رپورٹر) متحدہ عرب امارات کی جانب سے گذشتہ روز ایک امدادی طیارہ ، جس میں 14 میٹرک ٹن طبی سامان اور ٹیسٹنگ کٹس شامل تھیں، سوڈان کو بھیجی گئیں۔ یہ امداد تقریبا 14 ہزار طبی پیشہ ور افراد کی مدد کرے گی جو کورونا وائرس کے خلاف فرنٹ لائن پر کام کر رہے ہیں۔ سوڈان میں متحدہ عرب امارات کے سفیر حماد الجنبی نے کہا ہے کہ برادر جمہوریہ سوڈان کوویڈ19 سے لڑنے کی کوششوں کے تحت متحدہ عرب امارات کی امداد حاصل کرنے والے پہلے ممالک میں شامل تھا۔ طبی امداد کی پہلی کھیپ گزشتہ اپریل میں بھیجی گئی تھی اور گذشتہ نو مہینوں میں متعدد دیگر کھیپوں کے بعد مجموعی طور پر 230 میٹرک ٹن بھیجے جا چکے ہیں۔ انہوں نے مزید کہا کہ سوڈان کے لئے متحدہ عرب امارات کے ہوائی پل کو جاری رکھنا دونوں ممالک کے مابین مضبوط اور ممتاز تعلقات کی تصدیق کرتا ہے اور سوڈان میں صحت کے شعبے کی مدد کے لئے متحدہ عرب امارات کی خواہش اور ڈاکٹروں اور نرسوں سمیت طبی کارکنوں کو براہ راست معاونت فراہم کرکے حکومت کے کام کو مستحکم کرنے کی پیش کش ہے۔