دبئی ہیلتھ اتھارٹی (ڈی ایچ اے) کی "ہر شہری کے لئے ڈاکٹر" ٹیلی میڈیسن سروس سے 2020 میں 88،000 سے زیادہ صارفین نے فائدہ اٹھایا ہے۔ ڈی ایچ اے نے شیخ محمد بن راشد المکتوم کی ہدایت کے مطابق ، پچاس سالہ چارٹر کے آرٹیکل 5 کے حصول کے لئے 2019 میں "ہر شہری کے لئے ڈاکٹر" سروس کا آغاز کیا۔ یہ سہولت مفت اور 24/7 ہے جس کے زریعے کوئی بھی صارف ڈاکٹر سے براہ راست اور آڈیو کے ذریعے مشاورت کر سکتا ہے۔

 کنسلٹنٹ فیملی فزیشن اور ڈی ایچ اے کے پرائمری ہیلتھ کیئر سیکٹر میں اسپیشلائزڈ پروگرام سروسز ڈیپارٹمنٹ کی قائم مقام ڈائریکٹر ڈاکٹر عالیہ محمد رفیع نے خاص طور پر کوویڈ19 کی وجہ سے عالمی سطح پر موجودہ خدمات کی اہمیت پر زور دیا۔ انہوں نے کہا کہ یہ خدمت کوویڈ19 کے پھیلاؤ کو محدود کرنے کے لئے سماجی فاصلے اور اجتماعات کو کم کرنے سمیت احتیاطی تدابیر کو نافذ کرنے کے لئے ملک میں مختلف متعلقہ حکام کی کوششوں کے مطابق ہے۔ انہوں نے مزید کہا کہ 2020 میں 88 ہزار سے زیادہ صارفین اس مفت خدمت سے مستفید ہوئے ہیں جن میں سے 82 ہزارنے جنوری 2020 اور جنوری 2021 کے درمیان آن لائن طبی مشاورت حاصل کی ہے۔

 مزید برآں ، اس سروس نے لوگوں کے سفر کو 55 منٹ سے 11 منٹ تک کم کردیا ہے۔