اقوام متحدہ کے ورلڈ فوڈ پروگرام (ڈبلیو ایف پی) کے ایک سینئر عہدیدار نے نجی نیوز کو بتایا کہ کوویڈ19 کے باوجود متحدہ عرب امارات کی 100 ملین کھانوں کی مہم لوگوں کے لئے ایک تحریک کا باعث ہے کہ وہ بھی آگے آئیں اور لوگوں کی مدد کریں۔

ایک خصوصی انٹرویو میں ، متحدہ عرب امارات میں ڈبلیو ایف پی آفس کے ڈائریکٹر اور جی سی سی کے نمائندے عبد المجید یحی نے کہا ہے کہ دنیا کو متحدہ عرب امارات کی 100 ملین کھانوں کی مہم جیسے اقدامات کی ضرورت ہے۔ انہوں نے بتایا کہ اردن کے زوتری اور ازرق کیمپوں میں لگ بھگ 500،000 شامی مہاجرین موجود ہیں جبکہ 900،000 تک روہنگیا پناہ گزین بنگلہ دیش کے کاکس بازار میں ہیں ، جو اب دنیا کے سب سے بڑے مہاجر کیمپ کی میزبانی کرتے ہیں۔ تقریبا 20 لاکھ فلسطینی، جو کل آبادی کا 40 فیصد ہیں، ان کو بھی عدم تحفظ کا سامنا کرنا پڑتا ہے جنھیں فوری امداد کی ضرورت ہے۔ مینا کے علاقے میں ، 52 ملین سے زیادہ افراد غذائیت کا شکار ہیں، جن میں زیادہ تر خواتین اور بچے ہیں۔

انہوں نے مزید کہا کہ ایسے وقت میں کہ جب دنیا کوویڈ19 کے وبائی مرض سے لڑ رہی ہو، 100 ملین کھانے کی مہم چلانا یقینا قابل ستائش اور قابل تقلید ہے۔